Amaia Portugal Gonzalez

Donostia, Egia, 1984.

Hamar urterekin idatzi nuen lehen ipuina, eta protagonista hil nuen, inongo gupidarik gabe. Are okerrago, Koldo Mitxelena Eskolarteko Lehiaketaren epaimahaiak saritu egin zuen nire erailketa. Hiri idiliko honetan normal plantak egiten dituen psikopata askotxo dagoen seinale.

Kasu honetan hitzak ekintzak baino hobeak direlakoan, Eztenak eman didan aukera hau baliatzen saiatuko naiz, nire nahirik ilunenak paperean askatzeko eta hala xuxen bizitzen jarraitu ahal izateko.