HOZMINA 

Ez du elur zuririk egin,

    urte berriarekin batera

    ez dira nigana etorri

    itxaropenezko elur-lumarik oraindik.

    Haize hotzak min ematen dit

    sudurrean,

    eta ariman hatsaren bidez

    sartzen zaidan hotz ikaragarri gris hau

    BR...

    NO!

    Bai, gris dago giroa Brnon

    eta termometroaren likido toxikoa gorri-gorri

    zeropetik

    beherantz.

    Beherantz doa nire hatsa

    min ematen baitit zure hotz urrunak

    Haize hotz zurrunak

    eta haize hotz gris horrek

    akorde malenkoniatsu bat jotzen didazu:

    DO

    13

    7

    edo

    "Zure titiek ez dute esnerik,

    baina hain dira ederrak, hain goxoak!"

    hori erran zenidan,

    milikatzen eta kosk egiten zenizkien bitartean

    ni berotzen naizen bitartean.

    EZIN NAHI IZAN

    VIDE ZORIONTSU

    ENE TXISTU ISIL MINGARRIA.

    Akorde malenkoniatsu hori

    sartu zitzaidan barreneraino

    negu honetako haize hotz mingarriaren gisara.